13 сәуірде Қазақстанның бірнеше облысында ауа-райына байланысты ескерту жарияланды, деп хабарлайды zakon.kz.
Қостанай облысында кей жерлерде тұман болады деп күтіледі. Солтүстік-шығыстан, шығыстан соққан жел екпіні 15 м / с құрайды.
Ақмола облысында кей жерлерде тұман түсуі ықтимал. Солтүстік-шығыстан, күндіз облыстың оңтүстік-шығысынан соққан жел екпіні 15-20 м / с құрайды. Көкшетауда түнде тұман түседі деп күтіледі.
Қызылорда облысында солтүстік-шығыстан, кей жерлерде шығыстан екпіні 15-20 м / с жылдамдықпен жел соғады деп күтіледі.
Түркістан облысында найзағай ойнайды, бұршақ жауады, солтүстік-шығыстан 15-20 м / с екпінмен жел соғады. Шымкентте таңертең және күндіз найзағай жарқылдап, күн бұзылады. Түркістанда мезгіл-мезгіл найзағай ойнап, аспанды қара бұлт басады.
Ақтөбе облысында солтүстік-шығыстан, шығыстан соққан жел екпіні 18 м / с құрайды.