Коронавирус инфекциясының таралу деңгейі бойынша Қазақстанның үш қаласы мен жеті облысы "қызыл" аймаққа еніп кеткен, деп хабарлайды zakon.kz.
23 сәуірдегі аймақтардағы эпидемиологиялық жағдайды бағалау матрицасындағы деректер осындай жағдайды көрсетті.
Оған сәйкес, Нұр-Сұлтан, Алматы, Шымкент қалалары және Ақмола, Атырау, Ақтөбе, БҚО, Қарағанды, Қызылорда және Маңғыстау облыстары "қызыл" аймақта орналасқан.
"Сары" аймақта: Алматы, ШҚО, Жамбыл, Қостанай, Павлодар облыстары. "Жасыл" аймақта: Түркістан және Солтүстік Қазақстан облыстары, - деп атап өтті ведомстводағылар.