Ақтөбе қаласы әкімінің экс-орынбасарына қатысты сот үкімі шықты, деп хабарлайды zakon.kz "Еуразия" бірінші арнасына сілтеме жасап.
Жангелді Әубәкіров жеті жылға сотталды. Ақшаны жымқыруға көмектескен Тұрғын үй комуналдық шаруашылық бөлімі басшынысың міндетін атқарған Нұрлан Досов та бұрынғы әкім орынбасары сияқты жеті жылға бас бостандығынан айрылды. Сондай-ақ, экс-шенеуніктің тағы үш сыбайласы өзімен бірге жаза арқалады. Қазына қаржысы аударылған компанияның директоры мен есепшісі бес-алты жылдан бас бостандықтарынан айрылды.
Сот материалдарында көрсетілгендей, Жангелді Әубәкіров қарамағындағы Досовқа алдын ала өзі таңдап алған мердігермен қаланы жаңа жылдық безендіруге мемлекеттік сатып алу туралы шарт жасасуға және орындалған жұмыстар актісіне қол қоюға нұсқау берген. Досов заңсыз нұсқ ауларды орындап, кәсіпкердің шотына 100 млн. теңге аударған. Келтірілген шығын 90 млн теңге.
Сот үкімі заңды күшіне енген жоқ.