Алматыда жоспарға сай лаңкестікке қарсы жаттығулар өтіп жатыр, деп хабарлайды zakon.kz.
22 маусымда Алмалы ауданында, Клочкова көшесі, 26 үй мекен-жайы маңында сағат 10:00-ден 13:00-ге дейін жоспарға сай лаңкестікке қарсы жаттығулар өтеді, - делінген Лаңкестікпен күрес жөніндегі МӨША хабарламасында.
Жаттығудың мақсаты - адамдар көп шоғырланған жерлерде террористік қауіп-қатер туындаған кезде өзара іс-қимыл дағдыларын машықтандыру.
Жаттығу міндеттері терроризмге осал объектілердегі терроризм актісінің жолын кесу механизмін жетілдіруге бағытталған.
Жаттығу кезінде шектеу шаралары қамтамасыз етіледі. Осыған байланысты біз азаматтарды жүргізіліп жатқан іс-шараларға түсіністікпен қарауға, қауіпсіздік шараларын сақтауға және жаттығуларды өткізуге қатысқан мемлекеттік қызметкерлердің заңды талаптарын орындауға шақырамыз, - деп хабарлады құзырлы ведомства.
Сонымен қатар, ҚР Әкімшілік құқық бұзушылық туралы кодексінің 443-бабына сәйкес, қоғамдық тәртіпті қамтамасыз етуге қатысатын адамның заңды талабына бағынбау әкімшілік жауапкершілікке әкеп соқтыратыны ескертіледі.
