Қазақстан Президенті Қасым-Жомарт Тоқаев Нұр-Сұлтанға ресми сапармен келген Ресейдің Федералдық жиналысы Федерация кеңесінің төрағасы Валентина Матвиенкомен кездесті, деп хабарлайды zakon.kz ТАСС-қа сілтеме жасап.
Біздің елдеріміз арасындағы стратегиялық серіктестік пен одақтастық қатынастарды дамыту мен нығайтуға қосқан Сіздің жеке үлесіңізді жоғары бағалаймыз, - деді Қасым-Жомарт Тоқаев.
Президент мемлекетаралық ынтымақтастықтың дамуында үлкен рөл атқаратын парламенттік дипломатияның мәніне ерекше назар аударатынын баса айтты.
Бұл Қазақстан мен Ресей Федерациясының ынтымақтастығына толықтай қатысты, - деді Қасым-Жомарт Тоқаев.
Сондай-ақ Президент қазақстандық тарап үшін достық, ынтымақтастық және одақтастық қарым-қатынастар бірінші кезекте тұрғанын баса айтты.
Біз Сіздің ТМД Парламентаралық Ассамблеясының төрағасы ретіндегі жемісті және нәтижелі жұмысыңызға үлкен құрметпен қараймыз. Жоғары деңгейдегі бұл өте маңызды орган өзін халықаралық парламенттік платформада және парламенттік өлшемнен тыс жерде де әртүрлі елдердің депутаттарының өзара әрекеттесуінің өте тиімді органы ретінде көрсете білді, - дейді Қасым-Жомарт Тоқаев.
