Жеке табыс салығының прогрессивті шкаласы туралы мәселе жалпыға бірдей декларациялауға толық көшкеннен кейін қайтарылады, деп жазады LS Ұлттық экономика министрлігіне сілтеме жасап.
Министрлiктiң мәлiметiнше, прогрессивті салық салудың тиімділігі үшін бірқатар жағдайлар қажет. Олардың бірі міндетті жалпыға бірдей декларациялау жүйесі болып табылады.
Осыған байланысты жалпыға бірдей декларациялауға толық көшкеннен кейін жеке табыс салығының (ЖТС) прогрессивті шкаласын енгізу мәселесін қарауға оралу орынды деп санаймыз, – деп түсіндірді LS-ке ҰЭМ-де.
Естеріңізге сала кетейік, Қазақстанда кірістер мен мүлікті декларациялау 2025 жылдың 1 қаңтарынан бастап толық енгізілетін болады.
Олар шектер мен шкала ставкалары анықталмаған және ашық талқыланатын болады деп қосты.
Прогрессивті салық шкаласының мәні – жалақысы жоғары жұмысшылардың елдің дамуына көбірек үлес қосуы. Бұл ретте салық түсімдерінің мөлшері мөлшерлемелерге байланысты болады, – деп атап өтті ҰЭМ-де.
Осыған қарамастан, мұндай шараның бір тәуекелі бар – бұл "конверттердегі" үлесінің артуы. Министiрлiкте 2006 жылға дейін Қазақстанда 5%, 10%, 15%, 20% мөлшерлемелерімен жеке табыс салығына төрт сатылы прогрессивті шкаласы қолданылғанын еске салды.
2007 жылы "конверттерде" берiлетiн жалақы үлесін төмендету үшін прогрессивті шкаладан 10% тегіс мөлшерлемеге көшу жүргізілген болатын. Осыған байланысты бұл ЖТС прогрессивті шкаласын енгізу кезіндегі негізгі тәуекелдердің бірі "конверттердегі" жалақы үлесінің артуы болып табылады, – деп атап өтті ҰЭМ-де.
ЖТС прогрессивті шкаласы – бұл белгілі бір шектері бар табыс деңгейіне байланысты осы салықтың өзгеретін мөлшерлемесі. Табыстың ұлғаюы жеке табыс салығының мөлшерлемесінің кезең-кезеңімен өсуіне әкеледі.
