Мемлекет басшысы "Мемлекеттік фельдъегерлік байланыс туралы" Қазақстан Республикасының Заңына қол қойды, деп хабарлайды zakon.kz Ақордаға сілтеме жасап.
Заңның мақсаты: фельдгерлік қызметтің құқықтық мәртебесін бекіту, ТМД елдері арасында осы фельдгерлік байланыстың тәртібін қалыптастыру, осы салада жұмыс істейтін қызметкерлерге және олардың отбасыларына арнайы кепілдіктерді бекіту.
ҚР Ішкі істер министрі Ерлан Тұрғымбаев бұған дейін хабарлағандай, бұл үшін үш жылға республикалық бюджеттік комиссияның мақұлдауы бойынша, 16 миллион 842 мың теңге қарастырылған.
Бұл қаражат көтермелеу және жеке мүлкін тасымалдау бойынша жәрдемақы төлеуге, өз міндеттерін әуе көлігімен орындайтын қызметкерлердің жалақысына қосымша төлемдерге, мемлекеттік қызметкерлерді жұмыстан шығарған кезде екі жалақы мөлшерінде бонустар төлеуге жұмсалады. Сонымен қатар, жұмыс орнын ауыстырған кезде қызметкерлердің балаларына кезексіз балабақшадан орын беру жоспарланған.
Сондай-ақ Мемлекет басшысы "Қазақстан Республикасының кейбір заңнамалық актілеріне мемлекеттік фельдъегерлік байланыс және ішкі істер органдары қызметінің мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды.