Қасым-Жомарт Тоқаев Владимир Путинге көңіл айту жеделхатын жолдады, деп хабарлайды zakon.kz.
Мемлекет басшысы Камчатка өлкесінде Ан-26 ұшағының апатқа ұшырауы салдарынан жолаушылар мен экипаж мүшелерінің қаза болуына байланысты қайғылы хабарды терең күйзеліспен қабылдады.
– Қазақстан халқының және жеке өзімнің атымнан орны толмас қайғыға ортақтаса отырып, қаза болғандардың жақындары мен туыстарына көңіл айтамын, – делінген Ақорда жариялаған Президенттің жеделхатында.
Айта кетсек, Камчаткада Ан-26 ұшағы апатқа ұшырады. Бортта 28 жолаушы болған, оның ішінде бір бала бар. Алдын ала мәліметтер бойынша, апатқа ұшырағандар арасында аман қалғандар жоқ.
