14 шілдеден бастап АҚШ билігі 113 елден, оның ішінде Қазақстаннан да ит әкелуге уақытша тыйым салды, деп хабарлайды zakon.kz.
Оған себеп - иттің құтыру ауруының таралу қаупі, деп хабарлайды РИА Новости.
АҚШ-тың ауруларды бақылау және алдын алу орталығы (CDC) бұған дейін бұл шектеулер Америка Құрама Штаттарына әкелінетін иттерді қорғау және елге иттің құтыру вирусының қайтадан енуіне жол бермеу үшін қажет екенін ескерткен.
"Тыйым салынған" елдер тізімінде Қазақстаннан басқа Ресей, Беларусь, Грузия, Украина және Молдова да енген. Тыйымның шарттары жария етілмеген. Сонымен бірге, CDC кейбір иттерді ерекше жағдайда шекарадан өткізуге болатынын растайды.
