73 келіде Қазақстан намысын қорғаған Жансай Смағұлов Олимпиададағы өнерін жеңіспен басталды, деп хабарлайды zakon.kz.
Токио Олимпиадасында дзюдодан кезекті жарыс күні басталды. Бүгін ерлерден 73 келіге дейінгі салмақтағы жеңімпаздар мен жүлдегерлер анықталады.
Жансай Смағұлов Токио татамиіндегі алғашқы белдесуінде армениялық Фердинанд Карапетянды жеңді. Белдесудің негізгі уақыты тең аяқталып, қосымша уақытта Жансай "ваззари" ұпайын еншіледі. Смағұловтың келесі қарсыласы - канадалық Артур Маргелидон, делінген ҚР ҰОК хабарламасында.
