Қазақстандық спортшы ерлер арасында 200 метр қашықтықты брасс әдісімен жүзуден финалға шыға алмады, деп хабарлайды zakon.kz.
Olympic.kz мәліметі бойынша, тиісті қашықтықты Дмитрий Баландин өз тобында жетінші болып жүзіп өтті. 2:09.22 уақытты бағындырған ол финалға өте алмады.
Айта кетсек, аталған дистанцияда медалға таласатындар арасында қазақстандық Дмитрий Баландиннің де аты аталып келген. Өйткені Дмитрий Баландин Рио де Жанайреода өткен 2016 жылғы Олимпиаданың суға жүзуден 200 метрлік қашықтықта алтын медалін иеленген болатын.
