Олимпиадада бірінші сыннан бірен сүрініп, ресейлік қарсыласынан ұтылған қазақстандық боксшы Бекзат Нұрдәулетов желіде жазба жариялады, деп хабарлайды zakon.kz.
Ол өзінің Инстаграм парақшасында: "Бәрі біз ойлағандай бола бермейді", деп баса айтты.
Алға қойған мақсатымызға жете алмадық. Бәрі біз ойлағандай бола бермейді. Бокстағы 13 жылдың ішінде қаншама еңбек, тер, жарақаттар мен қан кетті, осының бәрі сол бала кездегі Бекзадтың арманынан басталған болатын. Қандай жағдай болмасада қасымда табылатын Отбасыма, бауырларыма, жақындарыма және шын жанашыр жандарға алғыс айтамын, деп жазды спортшы жігіт.
Бекзат Нұрдәулетов - Қазақстанның еңбек сіңірген спорт шебері (2019), Олимпиада ойындарының қатысушысы (2020), әлем чемпионы (2019), әуесқой бокстан жастар арасындағы әлем чемпионатының қола жүлдегері (2016).
