Денсаулық сақтау министрлігі 4 миллион адамға коронавирус инфекциясына қарсы 8 миллион доза вакцина жеткізу туралы келісімшартқа отырды. Бұл туралы ведомство басшысы Алексей Цой үкімет отырысында айтты, деп хабарлайды zakon.kz тілшісі.
Цойдың айтуынша, халықты вакцинациялау процесі әлі жалғасуда.
Бүгінгі күні шамамен 9,4 миллион доза вакцина қолданылды, оның ішінде 5 480 094 адам бірінші компонентті алды, бұл халықтың 55,4% құрайды. Екінші компонентті 3 941 941 адам немесе ел тұрғындардың 39,8% алды, - деді ол.
Сонымен бірге министр ведомствоның қосымша вакцина алдырту бойынша келісімшартқа отырғандарын айтты.
Министрлік 4 миллион адамға 8 миллион қосымша доза алдырту туралы келісімшарттарға қол қойды. Тасымал кестеге сәйкес жүргізіледі. Осы жағынан алғанда, республикамызда халықтың вакцинаға қолжетімділігі жеткілікті мөлшерде қамтамасыз етілген, - деді Цой.
