Коронавирусты 70% "өлтіретін" препарат табылды, деп хабарлайды zakon.kz.
Халықаралық зерттеушілер тобы, РИА Новости хабарлағандай, фенофибрат препараты мен оның белсенді формасы - фенофибр қышқылының адам жасушаларындағы SARS-CoV-2 коронавирусын жоя алатынын анықтады.
Фенофибрат - жүрек-қан тамырлары ауруларының қаупі бар науқастарда холестерин деңгейін төмендету үшін қолданылатын препарат.
Frontiers in Pharmacology журналында жарияланған мақалада айтылғандай, ғалымдар коронавирус ақуыздың ACE2 жасушалық рецепторларымен байланысу қабілетін бұзатын препарат іздеп, фенофибратқа назар аударыпты.
Фенофибрат, жасушалық дақылдарға жүргізілген зертханалық эксперименттер көрсеткендей, вирустық жүктемені 70% төмендетуге қабілетті. Алайда, ол SARS-CoV-2 штамдарының көпшілігіне қарсы осындай тиімділікті көрсетті. Бірақ оның коронавирустың "дельта штаммына" қарсы тиімділігі әлі де зерттелуде.
Ғалымдар атап өткендей, фенофибрат өте арзан және бүкіл әлемде қолжетімді, сондықтан табысы төмен елдерде, сондай-ақ вакцинаға қарсы көрсетілімі бар адамдар үшін өте пайдалы болуы мүмкін.