Синоптиктер 21-23 тамызға арналған ауа-райы болжамын ұсынды, деп хабарлайды zakon.kz.
Болжам бойынша, Қазақстанда тұрақты ауа-райы күтіледі.
Бұрынғы ауқымды антициклонның Қазақстан аумағының басым бөлігінің ауа-райына әсері сақталады. Негізінен жауын-шашынсыз ауа-райы күтіледі. Тек солтүстік-шығыс пен батыста, фронтальдік бөліктердің өтуімен байланысты өткінші жаңбыр жауып, күн күркірейді. Оңтүстік өңірлерде шаңды дауыл тұры, жел күшейеді. Сынап бағаны күндіз солтүстікте, орталықта +23...35, оңтүстік және оңтүстік-шығыста +28...39, шығыста +17...28 градусты көрсетеді. Еліміздің батысында әлі де ыстық ауа-райы сақталады — сынап бағаны +33...41 градус аралығында болады, деп хабарлайды "Қазгидромет" РМК.
