Мемлекет басшысы Шығыс экономикалық форумында сөйлеген сөзінде Қазақстанда АЭС салу жайына тоқталды, деп хабарлайды zakon.kz тілшісі.
Өз жолдауымда Қазақстанда атом энергиясын құру мүмкіндігін жан-жақты зерттеуді тапсырдым. Мемлекеттің, оның ішінде азаматтар мен кәсіпкерлердің шұғыл қажеттіліктерін жеткілікті деңгейде ескеру маңызды. Менің ойымша, бұл мәселені егжей-тегжейлі қарастыратын уақыт жетті, себебі Қазақстанға АЭС керек, - деді Қасым-Жомарт Тоқаев.
Айта кетсек, Қазақстанда АЭС салу мәселесі бірнеше рет көтерілген.
1 қыркүйекте Президент өз Жолдауында 2030 жылға қарай елімізде электр энергиясының тапшылығы орын алатынын атап өтті. Сондықтан ол үкіметке және "Самұрық-Қазына" ұлттық холдингіне бір жыл ішінде Қазақстанда қауіпсіз және экологиялық таза атом энергиясын дамыту мүмкіндігін зерттеуді тапсырды.
