Қазақстандық велошабандоз Кирилл Курдиди жасөспірімдер арасындағы әлем чемпионатында қола медаль жеңіп алды, деп хабарлайды zakon.kz Sports.kz-ке сілтеме жасап.
Курдиди 1000 метрлік қашықтықта қола медаль иеленді. Бірінші және екінші орындарды Ресей мен Германия өкілдері алды.
Кириллді керемет нәтижемен құттықтаймыз! - деп жазды Қазақстан велоспорт федерациясының instagram аккаунты.
Еске салсақ, велоспорттан жасөспірімдер арасындағы әлем чемпионаты 1-5 қыркүйек аралығында Каирде (Египет) өткен болатын.
Бұған дейін әлем чемпионатының қола жүлдесін қазақстандық велошабандоз Юлия Голубкова алған.
