Күнбағыс бағасы бір жылда Батыс Қазақстан облысында бірден 84,7%-ға, Ақмола облысында 80,9%-ға, Қызылорда облысында 78,8%-ға өсті. Нұр-Сұлтанда май құнының 52,2%-ға көтерілгені тіркелді, деп хабарлайды zakon.kz Energyprom.kz деректеріне сілтеме жасап.
2021 жылдың қаңтар-шілде аралығында елімізде тазартылған және тазартылмаған 278,5 мың тонна өсімдік майы өндірілді. Бұл бір жыл бұрынғы көрсеткіштен 5,8% артық.
Өңірлердегі ең үлкен өндіріс көлемі Шығыс Қазақстан облысына тиесілі. ШҚО-да жылына 126,5 мың тонна +16,5% өндірілді. Үздік үштікке Шымкент (50,7 мың тонна, +76,9%) пен Алматы (26,7 мың тонна, -32,5%) кірді.
Сарапшылардың айтуынша, барлық өндірістің үштен бір бөлігі тазартылмаған күнбағыс майына тиесілі: 107,5 мың тонна. Бұл көрсеткіш былтырғы жылдан 6,5% артық.
Ел бойынша тазартылған күнбағыс майын өндіру 38,6%-ға, 88,1 мың тоннаға дейін ұлғайған.
Зерттеулерге сенсек, рапс 64,3%-ға (15,8 мың тоннаға дейін), зығыр 18,6%-ға, (12,4 мың тоннаға дейін), мақта 26,7%-ға, (7,8 мың тоннаға дейін) майларының өндірісі төмендеген.
2021 жылдың бірінші жартыжылдығының соңында жергілікті компаниялар өсімдік майына сұранысты былтырғы көрсеткішке (75,6% -ға) қарағанда 80,5% -ға қамтамасыз етті.
Алты ай ішінде елдегі өндіріс 241,1 мың тоннаға дейін, 3,9%-ға өсті, ал импорт бірден 21,8%-ға, 58,5 мың тоннаға төмендеген, деп қорытындылады сарапшылар.
Жергілікті компаниялар күнбағыс майына деген сұранысты былтыр 75,2%-ға ұлғайтса, биыл 81,9%-ға жеткізген.