Егер жаңа мутацияланған штамм пайда болмаса, коронавирусқа шалдығушылар саны қазан айына дейін төмендейді. Алматы қаласының бас санитарлық дәрігері Жандарбек Бекшин осындай болжам айтты, деп хабарлайды zakon.kz.
Біз төмендеу қазан айының ортасына дейін болады деп болжап отырмыз. Қазан айының соңында тәулігіне ол 50-200 жағдайға жетуі керек. Қала үлкен, халықтың тығыздығы жоғары. Коронавирус ешқайда кеткен жоқ, біздің медициналық ұйымдарға, ең алдымен инфекциялық ауруханаларға, әдеттегідей жұмыс істеуге мүмкіндік беретіндей төменгі жағдайлар тіркеледі, - деді Жандарбек Бекшин Өңірлік коммуникациялар қызметінде өткен брифингте.
Сонымен қатар, қаланың бас санитарлық дәрігері бұл болжам коронавирустың жаңа мутацияланған штаммы пайда болмаған жағдайда мүмкін екенін бірнеше рет атап көрсетті.
Бұған дейін Алматыда эпидемиологиялық жағдайдың жақсарғаны хабарланған болатын. Енді COVID-19 науқастары кейбір ауруханалар мен қонақ үйлерге жатқызылмайды.