Синоптиктер 14 қыркүйекке арналған ауа-райы болжамын ұсынды, деп хабарлайды zakon.kz.
Қазақстанның басым бөлігінде антициклон әсерінен ауа-райы жауын-шашынсыз болады. Қазақстан Республикасының солтүстігінде, солтүстік-батысында және оңтүстік-батысында атмосфералық шептік бөліктердің әсерінен жаңбыр жауады, солтүстік-батыста найзағай түсу ықтималдығы жоғары. Республикамыздың батысында, солтүстігінде, шығысында тұман түсіп, солтүстікте, солтүстік-батыста, оңтүстік-шығыста, оңтүстік-батыста желдің күшеюі күтіледі, деп хабарлайды "Қазгидромет" РМК.
Солтүстік Қазақстан облысында түнде және таңертең солтүстік-батыста тұман түсуі күтілсе, ал күндіз оңтүстікте жел күшейіп, екпіні 15-20 м /с құрайды.
Павлодар облысында түнде оңтүстікте тұман түсіп, күндіз оңтүстікте, шығыста жел күшейеді, екпіні - 18 м / с.
Қостанай облысында таңертең және күндіз найзағай жарқылдап, күндіз солтүстікте қатты жел тұрады, екпіні - 15-20 м / с.
Маңғыстау облысында күндіз оңтүстік-шығыстан 15-20 м / с жылдамдықпен жел соғады, шаңды дауыл болады.
Ақмола облысында таңертең және күндіз солтүстік пен батыста жел екпіні 15-20 м / с күшейіп, ауа-райы тұрақсыз болады.
Жамбыл облысында солтүстік-шығыста, оңтүстік-батыста жел соғып, екпіні 15-20 м / с құрайды.
Атырау облысының батысы мен орталығында тұман түседі деп күтіледі.
Шығыс Қазақстан облысында түнде солтүстік тұсында тұман түседі деп күтіледі.
Түнде Павлодардың оңтүстігінде, Қарағанды қаласының солтүстік-шығысында, Шығыс Қазақстан облыстарының батысында, солтүстігінде, солтүстік-шығысында 3 градус үсік жүреді деп күтіледі, деп хабарлайды "Қазгидромет" РМК.
Маңғыстауда, Түркістанда, Алматының көп бөлігінде, Жамбыл, Қызылорда, Атырау, Ақтөбе облыстарының, Қостанайдың оңтүстігінде, оңтүстік-батысында, Қарағандыда, Батыс Қазақстанның солтүстік-шығысында және оңтүстігінде, Шығыс Қазақстан облыстарының оңтүстігінде өрт қаупі сақталады.