ҚР Премьер-министрінің орынбасары Ералы Тоғжанов үкіметте өткен брифингте коронавирусқа қарсы Pfizer вакцинасының Қазақстанға жеткізілетін уақытын атады, деп хабарлайды zakon.kz.
Тоғжанов қазіргі уақытта қазақстандықтар үшін коронавирус инфекциясына қарсы үш вакцина бар екенін айтты: Sputnik V, Sinopharm, QazVac.
Мемлекет басшысының тапсырмасы бойынша, коронавирусқа қарсы Pfizer вакцинасы осы жылдың IV тоқсанында жеткізіледі деп күтілуде, - деді ол.
Сондай-ақ, ол ел билігі шетелдік вакциналардың тиімділігіне пара-пар келетін отандық вакцинаны қолдайтынын айтты.
Өткен айда QazVac вакциналары 650 мың доза көлемінде шығарылды, ал осы айда 750 мың доза жеткізіледі деп күтіліп отыр, - деп сөзін түйіндеді Тоғжанов.
Айта кетсек, 10 шілдеде Қасым-Жомарт Тоқаев үкіметтің кеңейтілген отырысында үкіметке Pfizer вакцинасын қазақстандық нарыққа тасымалы бойынша істі атқара алмай жатқандарға қарсы шара қолдануды тапсырды.