Алматының орталық бөлігі түнде суық судан ажыратылады, деп хабарлайды zakon.kz.
14 қазанда сағат 21:00-ден бастап 15 қазанда сағат 08:00-ге дейін Луганский – әл-Фараби – Байзақов – Төле би көшелерінің аймағында орналасқан тұрғын үйлер мен басқа да ғимараттарға суық су беру тоқтатылады, - деп хабарлады "Алматы су" МКК.
Мегаполистің осы бөлігіндегі су құбыры желілерінің тұрақты жұмысын қамтамасыз ететін сумен жабдықтау объектісіндегі технологиялық жабдықты ауыстыру кезінде қауіпсіздікті қамтамасыз ету үшін уақытша шектеулер енгізіледі.
Ажырату кезеңінде денсаулық сақтау, білім беру объектілеріне және әлеуметтік саланың өзге де ғимараттарына автоцистерналармен су жеткізу ұйымдастырылатын болады.
Бақытжан Отарбаева
