Боксшы Геннадий Головкин Белградта өткен Әлем чемпионатында сәтті өнер көрсеткен қазақстандық боксшыларға үндеу арнады, деп хабарлайды Zakon.kz.
Сербияда өткен Әлем чемпионатында сәтті өнер көрсеткен қазақстандық боксшылар үшін қуаныштымын, - деп жазды ол Twitter-де.
Жігіттерді, жаттықтырушыларды және Кеңес Хамитұлы бастаған федерацияны лайықты нәтижемен құттықтаймын. Азия ойындарына одан әрі дайындалуға сәттілік. Алға, Қазақстан, - деп жазды Геннадий Головкин.
Естеріңізге сала кетейік, Белградта өткен Әлем чемпионатында қазақстандық боксшылар бес медаль жеңіп алды: екі алтын (Теміртас Жүсіпов пен Сәкен Бибосынов), екі күміс (Махмуд Сабырхан мен Серік Теміржанов) және қола (ұлттық құраманың капитаны Абылайхан Жүсіпов).
Бақытжан Отарбаева
