Сұлтан Қамалетдинов Қорғаныс министрінің орынбасары лауазымына тағайындалды, деп хабарлайды Zakon.kz.
Өкім президенттің ресми сайтында жарияланды.
Мемлекет басшысының өкімімен Сұлтан Бүркітбайұлы Қамалетдинов Қазақстан Республикасы Қорғаныс министрінің орынбасары лауазымына тағайындалды, ол Қазақстан Республикасының Тұңғыш Президенті – Елбасы атындағы Ұлттық қорғаныс университетінің бастығы лауазымынан босатылды.
Мемлекет басшысының өкімімен Тимур Тұрарұлы Дәндібаев Қазақстан Республикасы Қорғаныс министрінің орынбасары лауазымынан босатылды.
