БҰҰ Бас хатшысының саяси мәселелер жөніндегі орынбасары Розмари Ди Карло Ресейдің ДНР мен ЛНР тәуелсіздігін мойындау шешімі қынжылтатынын білдірді. Бұл туралы Қауіпсіздік кеңесінің отырысында белгілі болды, деп жазды РИА Новости.
Ди Карло бұл шешімнің өңірлік және жаһандық салдары болуы мүмкін екенін атап өтті.
Келіссөздер – негізгі тараптар арасындағы келіспеушіліктерді жеңудің бірден-бір жолы. Украинадағы ауқымды қақтығыстың қаупі зор, оның алдын алу керек.Розмари Ди Карло
АҚШ-тың БҰҰ-дағы тұрақты өкілі Линда Томас-Гринфилд Владимир Путин «Минск келісімдерін жыртып тастады» деп мәлімдеді. АҚШ Ресей президентінің мұнымен тоқтамайтынына сенімді.
Ресейдің тұрақты өкілі Василий Небензя Қауіпсіздік кеңесінің отырысында жарияланатын ресми мәлімдеме әзірледі.