Журналистер шетелде шенеуніктерге қатысты шу болса, олар депутаттық өкілеттігін немесе мандатын тапсыратыны бар екенін атап өтті. Сонымен бірге шетелде олар халық алдында кешірім сұрайды. Осы орайда журналистер Жигули Дайрабаевтан ол ұлдары үшін неліктен халықтан кешірім сұрамағанын сұрады.
"Жеке маған қоятын кінәңіз болса, соны айтыңыз. Сол үшін кешірім сұраймын. Ал балалар өз тірлігіне өздері жауап береді. Мені айып етпеңіздер", - деп жауап берді Жигули Дайрабаев.
Мәжілісмен ұлдарының сот процесіне араласпағанын айтты.
"Оны уақыт көрсетеді. Алдын ала сәуегейлік жасай алмаймын. Оны құқық қорғау органдары өздері шешеді. Соттың жұмысына мен араласа алмаймын. Мен отстовкаға кеткеннен гөрі қазақ халқына өздерің сияқты пайдам көп тиеді. Ауыл шаруашылығын дамытамыз. Соған мүмкіндік беріңіздер",-деп түйіндеді Жигули Дайрабаев.
