"Қытай мен Орталық Азия бір-біріне жақындап жатқаны туралы кейбір пікірлерге не айтасыз? Геосаяси тұрғыдан алғанда осы жақындасудың қарқынына алаңдаушылық білдірушілер де табылып жатқан жайы бар емес пе" деп сұрады CCTV телеарнасының тілшісі Мемлекет басшысынан.
"Бұл ретте ешқандай күдік-күмәннің болмауы керек, өйткені біздің ниетіміз шынайы әрі ашық. Бұл арадағы нақты факт мынада: Қытай экономикасы бойынша әлемде екінші орында, сондықтан біз Қытайдың рөлін мойындауымыз керек және Сіздердің еліңізбен өте жақсы қарым-қатынас орнатуымыз керек". Мемлекет басшысы Қасым-Жомарт Тоқаев
Сондай-ақ Президент өз сұқбатында болашақ екіжақты экономикалық қарым-қатынастар жайына да тоқталды.
"Біз экономикалық ынтымақтастық саласында тамаша нәтижелерге қол жеткіздік, бірақ әрі қарай алға жылжуымыз керек. Сондықтан Қытай өркениетінің бесігі болып табылатын Сиань қаласына алда жоспарланған сапарыма зор үмітпен қараймын. Бізге жаңа келісімдер, жаңа мәмілелер қажет деп санаймын, өйткені біз қандай да бір нәтиже күтіп бір орнымызда тұрмауымыз керек. Біз осы қиын әлемде экономикалық байланыстарымызды ілгерілетуге күш салуымыз қажет. Мен екі елдің жастары арасындағы ынтымақтастық пен достық байланыстарды дамытуды қолдаймын. Жас ұрпақ бір-бірін көбірек білуі керек". Мемлекет басшысы Қасым-Жомарт Тоқаев