"Мемлекет басшылары "Орталық Азия – Қытай" саммитінің қорытындысы бойынша Сиань декларациясына қол қойды", - делінген Ақорда хабарламасында.
Келесі саммит 2025 жылы Қазақстанда өтеді.
Бұдан бұрын мемлекет басшысы "Біз үшін өзара тиімді серіктестіктің стратегиялық бағытын тұрақты түрде жалғастыру маңызды" деген еді. Ол Қазақстан "Орталық Азия – Қытай" хатшылығын құру идеясын қолдайтынын мәлімдеді.
"Қытайда "Ел біріксе, Тайшань тауын қозғалта алады" деген мақал бар. Сондықтан біз үшін өзара тиімді серіктестіктің стратегиялық бағытын тұрақты түрде жалғастыру маңызды. Бүгінгі айтылған барлық ұсыныстар қабылданып жатқан Сиань декларациясында қандай да бір түрде көрініс табатынына сенімдімін. Қазақстан "Орталық Азия – Қытай" хатшылығын құру идеясын қолдайды. Хатшылық Қытай аумағында жұмыс істей бастаса, қарсы болмаймыз, бұл қисынды болар еді".Қасым-Жомарт Тоқаев