Риддер қаласына жаңа әкім тағайындалғаны туралы ақпаратты редакциямызға 2023 жылғы 4 тамызда Шығыс Қазақстан облысы әкімдігінің баспасөз қызметі растады.
Дәулет Батырбаев 1976 жылы 7 шілдеде Семей қаласында дүниеге келген. "Семей" мемлекеттік университетін, сонымен қатар Новосибирск гуманитарлық институтын "экономист-бухгалтер", "құқықтану" мамандықтары бойынша бітірген.
Осы жылдар ішінде Шығыс Қазақстан облысының энергетика және тұрғын үй-коммуналдық шаруашылық басқармасын, Ұлан, Бесқарағай аудандарын басқарды, кен өнеркәсібі кәсіпорындарында, мемлекеттік органдарда жұмыс тәжірибесі бар.
Ол Риддер қаласының әкімі болып тағайындалғанға дейін "Шығыс Қазақстан облысының мемлекеттік-жекеменшік әріптестік өңірлік орталығы" АҚ басқарма төрағасы қызметін атқарған.