Almaty.tv сайтының хабарлауынша, тұрғындардың көбі ұсынылған өтемақы көлеміне көңілі толмай, облыс әкімдігіне түсініктеме алуға келген.
500-ге жуық жер қожайындарын бұл жер телімдерін олардан сатып аламыз деп сендірген. Бірақ ұсынылған бағамен көптеген адам келіспеді.
"Олар маған бұл жер мемлекет мұқтажы үшін бұзылады деп жатыр. Ешқандай хабарлама алған жоқпын. Біздің үйлер нарықтық бағадан төмен бағаланды. 1 900 000 - бұл ақшаға қазір қайдан жер сатып алуға болады?"Аманғали Мұқашев, Көкөзек ауылының тұрғыны.
Шенеуніктер бұл жерлерді сатып алу керек деп түсіндірді. Жер учаскелерін ауыл тұрғындарына қалдыру мәселесі мүлдем талқыланбайды.
"Газ магистралінің қауіпсіздік аймағы – 150 метр. Бұл жерлерді алып қою ауыл тұрғындарының қауіпсіздігіне қатысты мәселе. Бағамен келіспегендер үшін процедураны қайталаймыз. Қандай да бір келісімге келуге тырысамыз".Облыс әкімінің орынбасары Нұржан Құдайбергенов
Егер тараптар бұл жолы баға бойынша келісе алмаса, мәселені тек сот арқылы шешуге болады. Ал әзірше тұрғындар өз мүлкі әділ бағаланады деп үміт етіп отыр.