Әкім Ерболат Досаевтың айтуынша, 2022 жыл мегаполис мектептерінде бастауыш сынып оқушылары мен халықтың әлеуметтік осал топтарының балаларына ыстық тамақты ұйымдастыру қаншалықты маңызды екенін көрсетті.
"Биыл осы мақсатқа жергілікті бюджеттен 20,4 млрд теңге сомасында қаражат көзделген. Тегін тамақпен шамамен 133 мыңнан астам білім алушыны қамтимыз деп болжанды", - деді қала басшысы.
Сонымен қатар биыл Алматы әкімдігі Қазақ тамақтану Академиясымен және Ұлттық салауатты тамақтану орталығымен бірлесіп "Оқушылардың денсаулығын басқару" мектеп тағамдарының жаңа моделін пилоттау жобасын әзірлеп жатыр.