Президент Қасым-Жомарт Тоқаев Марракеш-Сафи аймағында болған жойқын жер сілкінісі салдарынан көптеген адамның қаза табуына байланысты Король VI Мұхаммедке көңіл айтты, делінген Ақорда хабарламасында.
"Осындай ауыр сәтте қайғы-қасіреттеріңізге ортақтасып, барша қазақстандықтардың және жеке өз атымнан Сізге, сондай-ақ бауырлас Марокко халқына көңіл айтамын", – деп жазылған жеделхатта.
Айта кетсек, Мароккода бір күн бұрын жойқын жер сілкінісі болды. Бастапқыда зілзала салдарынан 300-ге жуық адамның қаза тапқаны хабарланған. Одан кейін бұл сандар, өкінішке қарай еселеніп жатыр.