Кездесу барысында Мемлекет басшысы Арнаулы өкілге алдағы шараларға, атап айтқанда биыл қараша айына жоспарланған Климаттың өзгеруi жөнiндегi БҰҰ негiзгi Конвенциясына қатысушы тараптардың 28-конференциясына және 2026 жылы БҰҰ аясында өтетін Аймақтық климаттық саммитке дайындық жөнінде бірқатар нақты міндет жүктеді, делінген Ақорда хабарламасында.
"Сондай-ақ Президент шетелдік серіктестермен арадағы ықпалдастықты, соның ішінде экономиканы декарбонизациялау және ауаға таралатын метан мөлшерін азайту бағыттары бойынша ынтымақтастықты нығайту маңызды екенін атап өтті", делінген хабарламада.
Сурет: akorda.kz
Зүлфия Сүлейменова 21 қыркүйекте ҚР Президентінің кеңесшісі – Президенттің халықаралық экологиялық ынтымақтастық жөніндегі арнаулы өкілі атанып, жаңа лауазымға ие болды. Алдында ол 2023 жылдың 4 қаңтарынан 1 қыркүйегіне дейін ҚР Экология және табиғи ресурстар министрлігін басқарып келген.
