Журналистер Игорь Лепехадан "Қазақ тілін білесіз бе? Білмесеңіз, үйрену жоспарда бар ма?" деп сұрады. Бұған жауап ретінде вице-министр мемлекеттік тілді меңгергенін көрсетті.
"Мен қазақша білемін. Мен қазақша үйреніп жүрмін. Аздап сөйлей аламын, ресми құжаттарды оқи аламын, баяндама жасай аламын", - деп қазақша жауап берді Игорь Лепеха.
Сонымен қатар ол журналистердің сұрақтарына неліктен орысша жауап беретінін түсіндірді.
"Мен қазір кейбір даулы сұрақтарға қате жауап беріп қаламын ба деп қорқамын. Сіздерді кей жерде дұрыс түсінбей қаламын ба деп немесе бір жерде қате жауап беремін бе деп қауіптенемін. Бірақ мен үйреніп жүрмін және барлық қызметкерімізді үйренуге шақырып жүремін. Біздің барлық алқаларда, барлық отырыстарда мен мүмкіндігінше қазақша сөйлеуге тырысамын", - деп түсіндірді вице-министр.
