Журналистер министрден "Кеншілер ғана емес, металлургтер, зиян еңбек жағдайында жұмыс істейтін басқа да адамдар жаңа 55 жаста зейнетке шығу ережесіне бағына ма?" деп сұрады.
"Біз 55 жаста жұмыс берушіден кемінде 84 ай бойы міндетті кәсіптік зейнетақы жарнасы аударылған адамдар бұл төлемдерге құқылы екенін айтып жатырмыз. Бұл дегеніміз жүйеге қатысқанына - жеті жыл. Олардың құқығы бар. Сонымен қатар бүгінде жұмыс істейтін және зейнетке шығатындар ғана емес, сонымен бірге жұмыс істей алмайтын және бұрын осы жұмыстан кеткен, яғни осы критерийлерге сәйкес келетіндер өтініш бере алады. Олар 55 жаста және трансферлерге жеті жыл қатысқан болса, өтініш бере алады", - деп жауап берді Светлана Жақыпова.
Оның айтуынша, мерзімінен бұрын зейнетке шығу құқығын тек кеншілер ғана емес, зиян және қауіпті еңбек жағдайында жұмыс істейтін және жұмыс берушілер 2015 жылдан бері кәсіптік жарна төлеген барлық адамдар пайдалана алады.
2023 жылдың 19 тамызында қауіпті өндірістік нысандағы жұмысшылардың зейнет жасы қысқаратыны хабарланды. Премьер-министр Әлихан Смайылов "Казахстанская" кенішіндегі апат салдарынан қаза тапқан кеншілердің отбасымен кездесу барысында осылай деген еді.
