Іздестіру-құтқару барысында 45 кеншінің денесі және алдын ала болжам бойынша 46-шы қаза тапқанның денесінің бөлшектері табылды. Қазір қайтыс болған 40 адамның жеке басы анықталды, 6-уы анықталмады. Оларды сәйкестендіру үшін қажетті тиісті сараптамалар жүргізіледі. ДНҚ талдауы қажет болуы мүмкін.
"Іздеу электр энергиясының болмауына, тау-кен қазбаларының ұзындығына және көптеген бұзылған механизмдердің болуына байланысты қиындады. Жеке су басқан тау-кен қазбаларына қол жетімділік болмады. Үйінділерді тазалау және қаза болғандардың денелерін табу қиын болды. Қазір ашық жану ошақтары жоқ, газдық жағдай қалыпты. Шахтаның қызметін қалпына келтіру үшін тау-кен қазбаларын зерттеу және жекелеген учаскелерде су сору жүргізіліп жатыр". Сырым Шәріпханов
Министр өте маңызды бұзулар анықталғанын айтты. Тау-кен қазбаларында шахта жабдықтары жылжып кеткен. 15-тен астам оқшаулағыш бөгеттер мен желдету құрлыстары қираған. Қазір тағы 7 шағын комиссия құрылып, жұмыс істеп жатыр.
"Сонымен қатар тергеуге Қазақстаннан және шетелдерден сараптамалық ұйымдар тартылды. Аталған факті бойынша құрылыс және тау-кен жұмыстарын жүргізу кезінде қауіпсіздік қағидаларын бұзғаны Қылмыстық кодекстің 277-бабының 3-бөлігі бойынша сотқа дейінгі тергеп-тексеру өтіп жатыр". Төтенше жағдайлар министрі
Биыл 28 қазанда сағат 2-ден 36 минут кеткенде "АрселорМиттал Теміртау" АҚ Көмір департаментінің Костенко атындағы шахтада тереңдігі 700 метрде жану болып, кейіннен метан-ауа қоспасы жарылды. Бұл жерге дереу Кәсіби әскерилендірілген авариялық-құтқару қызметтерінің республикалық орталық штабының Қарағанды филиалының күштері жіберілді. Авария кезінде ауысымда 252 кенші болған. Оның 201-і өздігінен көтеріліп, 5-і тау-кен құтқару күштерімен табылып, жер бетіне шығарылды.
