Ол қазір облыстық жедел штаб жұмыс істеп жатқанын атап өтті.
Зардап шеккендердің 27-сі бақылауда. Біреуінің жағдайы ауырға жақын, 24-і орташа ауыр, екеуі қанағаттанарлық. Науқастардың барлығына қажет медицина көмегі беріліп, сауығып жатыр.Ермағанбет Бөлекпаев
Марқұм болған әр кеншінің отбасына бөлім басшылары мен орынбасарлары бекітілген. Олар жерлеу рәсімі кезінде отбасылармен бірге жүреді. Сонымен қатар олар тиісті төлемдерді қадағалап, күнделікті өзекті мәселелерді шешеді.
"Жерлеу рәсімдері мен еске алу кештерін өткізуге, көлікпен қамтамасыз етуге қажет көмек беріліп жатыр. Сонымен қатар Қазақстанның басқа өңірлерінен, жақын және алыс шетелдерден туыстары мен достарының келуіне және жеткізілуіне де көмек беріліп жатыр. Қайтыс болғандардың отбасыларының әлеуметтік портреті құрастырылды. Көпбалалы отбасылар, жалғыз асыраушысы бар отбасылар және кәмелетке толмаған баласы бар отбасылар анықталды. Қайтыс болғандардың ипотекасы, басқа да несиесі және олардың өмір сүру жағдайы туралы мәлімет жиналды".Ермағанбет Бөлекпаев
Қаза тапқандардың отбасына мемлекет тарапынан көрсетілетін материалдық көмектің барлық түрі түсіндіріліп жатыр.
"Арселор Миттал Теміртау" компаниясы жерлеуді ұйымдастыру және шығынды төлеу бойынша өз міндетін орындайды. Серіктестіктің қалған міндеті кезең-кезеңімен орындалып, оны облыс әкімдігі қадағалайды. Зардап шеккендер мен олардың отбасына қажет көмек дереу көрсетіледі".Ермағанбет Бөлекпаев
Қарағанды облысындағы Костенко атындағы шахтада қайғылы оқиға қазанның 28-іне қараған түні болды. Жарылыс кезінде шахтада 252 адам болған, 206 кенші жер бетіне шыққан.
Төтенше жағдайлар министрі Сырым Шәріпханов іздестіру-құтқару кезінде болжам бойынша 46 құрбанның денесі табылғанын айтты.
