"Ақорда" резиденциясында Қазақстанға ресми сапармен келген Мажарстан премьер-министрі Виктор Орбанды салтанатты түрде қарсы алу рәсімі өтті, деп жазды Ақорданың Telegram-дағы ресми парақшасы.
Сурет: akorda.kz
Қасым-Жомарт Тоқаев пен Виктор Орбан бір-біріне ресми делегация мүшелерін таныстырды. Құрмет қарауылының бастығы мемлекеттер басшыларына рапорт беріп, екі елдің әнұрандары шырқалды.
Сурет: akorda.kz
2023 жылғы 26 қазан күні Ақорданың баспасөз қызметі Мажарстан премьер-министрі Виктор Орбанның Қазақстанға ресми сапары барысында тараптар екі ел арасындағы сауда-экономикалық, инвестициялық және мәдени-гуманитарлық салалардағы ықпалдастығын одан әрі кеңейтуге қатысты келісөз жүргізеді деп жоспарланғанын хабарлаған еді.