Мәртебелі мейманды қарсы алған мәжіліс төрағасы екі ел арасындағы қарым-қатынас Қазақстан Президенті мен Мажарстан премьер-министрінің тұрақты кездесулері арқасында стратегиялық әріптестік деңгейіне көтерілгенін айтты.
Ерлан Қошанов Мажарстан үкіметінің басшысына елдегі ауқымды реформалар мен саяси жүйені қайта жаңғырту туралы ақпарат берді. Президент Қасым-Жомарт Тоқаевтың жаңа экономикалық саясаты аясында 2029 жылға қарай ұлттық экономика көлемін екі есеге ұлғайту жоспарланғанына тоқталды.
Әңгіме барысында тараптар достық топтары арқылы және басқа да алаңдарда парламенттік дипломатияның даму перспективаларын талқылады.