"Жарғылық капиталына мемлекеттің 100 пайызы қатысатын "Қорғаныс-өнеркәсіп кешенін дамыту қоры" акционерлік қоғамын құру", - делінген құжатта.
Қор қызметінің негізгі бағыты – отандық ғылыми-техникалық әзірлемелерді қаржылық қолдау және әскери-өнеркәсіп кешендегі ұйымдарды жаңғырту.
Акционерлік қоғамның жарғылық капиталы республикалық бюджет қаражаты есебінен. Ол 265 722 000 (екі жүз алпыс бес миллион жеті жүз жиырма екі мың) теңге сомасында.
Компанияның мемлекеттік акциялар пакетін иелену және пайдалану құқығы Қазақстан Республикасының Индустрия және құрылыс министрлігіне беріледі.
Қаулы қол қойылған күнінен бастап күшіне енеді.
