Білім министрі Ғани Бейсембаев биылғы жылы балалардың лагерьлерде қауіпсіз демалуы бойынша барлық қажетті шаралар қабылданғанын айтты.
"Қауіпсіздікті қамтамасыз ету, жедел ден қою және инфрақұрылымды дамыту мәселелерін үйлестіретін 20 өңірлік штаб жұмыс істейді. Олардың ведомствоаралық комиссиядағы жұмысы үнемі қаралады. Сондай-ақ, ІІМ-мен полиция инспекторларын әр жазғы демалыс орталығына бекіту пысықталуда. Денсаулық сақтау министрлігінде жазғы лагерьлердің санэпидстанциялардың қорытындысын алу мәселесі ерекше бақылауға алынды. Бұл мәселе менің тұрақты бақылауымда", - деді ол.
Сонымен қатар, үкімет басшысы министр Бейсембаевқа балалардың лагерьлерін - сауналар мен моншаларға орналастырған былтырғы жағдайдың қайталануына жол бермеуді тапсырды.
"Өткен жылы сіз жазғы лагерьлердің моншаларда және шарттарға сәйкес келмейтін басқа жерлерде ұйымдастырылғанын көрдіңіз. Биыл біз бұған жол бермеуіміз керек. Жеке бақылауға алыңыз", - деді Олжас Бектенов.
Еске салайық, 2023 жылы Алматының әлеуметтік осал отбасыларының балалары лагерьге тегін жолдама алған болатын. Алайда, ата-аналар бұл демалысты сәтті өтті деп айта алмайды. Белгілі болғандай, балалардың лагерьі сауна ғимаратына орналастырылған болып шықты.