"Қазақстан Республикасы Су ресурстары және ирригация министрлігіне 2024 жылға арналған республикалық бюджетте қарастырылған Қазақстан Республикасы Үкіметінің төтенше резервінен 2 679 870 215 теңге сомасында Ақтөбе облысының бюджетіне қорғаныс бөгетін күрделі жөндеуге берілетін ағымдағы нысаналы трансферттер түрінде аудару үшін Ақтөбе облысы Ойыл, Темір аудандарында су тасқыны салдарынан қираған қорғаныс бөгеттерін салуға және қайта жаңартуға берілетін нысаналы даму трансферттері арқылы қаражат бөлінсін",- делінген құжатта.
Су ресурстары және ирригация министрлігі мен Ақтөбе облысының әкімдігіне тиісті шаралар қабылдау тапсырылды.
Бұдан бөлек, Ақтөбе облысының әкімдігі 2024 жылғы 20 желтоқсанға дейін су ресурстары және ирригация министрлігіне бөлінген қаражатты мақсатты пайдалану бойынша есептерді ұсынуы қажет.
Атап айтқанда, трансферттерді бағыттау жоспарлануда:
Ойыл ауданы:
- Шұбарша қорғаныс бөгетін күрделі жөндеу - 341 435 725;
- Ақкемер ауылындағы бөгеттің құрылысын салу - 278 670 674;
- Қаратал ауылында бөгеттің құрылысын салу - 666 869 891.
Темір ауданы:
- Шұбарқұдық ауылына кіре беріске қарай темір жол бойында орналасқан көпір арқылы өтетін судың алдына қорғаныс бөгетінің құрылысын салу - 343 226 803;
- Задепо ауданында қорғаныс бөгетінің құрылысын салу - 315 479 303;
- Еңбекші ауылынан Шығырлықұм өзенінің бойына қорғаныс бөгетінің құрылысын салу - 398 860 470;
- Бабатай ауылы жағынан Бабатай өзеніндегі қорғаныс бөгетін қайта жаңғырту - 335 327 349.
Су тасқыны іс-шараларының жол картасын іске асыру шеңберінде су тасқынынан зардап шеккен объектілерді, суармалы жерлерді қалпына келтіру және су тасқынының алдын алу жөніндегі шараларды іске асыру көзделген.
Қаулы жобасы 31 шілдеге дейін жария талқылау үшін "Ашық НҚА" сайтында орналастырылған.
