Өзбекстан президентінің сайтында жарияланған құжатқа сәйкес, "Өзбекстан Республикасы мен Қазақстан Республикасы арасындағы өзара сыйластық, сенім, тату көршілік және стратегиялық әріптестік қатынастарды жаңа деңгейге көтеруге, саяси, әлеуметтік-экономикалық, мәдени-гуманитарлық ынтымақтастықты практикалық мазмұнмен және маңызды бастамалармен толықтыруға қосқан жеке үлесі үшін, бірлескен жобаларды белсенді ілгерілету, сондай-ақ біздің елдеріміздің халықтары арасындағы ғасырлар бойғы достығын одан әрі нығайту жолындағы ерекше еңбегі үшін Өзбекстан Республикасының "Дўстлик" орденімен мына тұлғалар марапатталсын":
- Қарин Ерлан Тынымбайұлы - ҚР Мемлекеттік кеңесшісі;
- Желдібай Руслан Сұлтанұлы - ҚР Президентінің ішкі саясат және коммуникациялар мәселелері жөніндегі көмекшісі;
- Серік Мақашұлы Жұманғарин – ҚР премьер-Министрінің орынбасары;
- Балаева Аида Ғалымқызы - ҚР Мәдениет және ақпарат министрі;
- Бейбіт Бәкірұлы Атамқұлов - ҚР Өзбекстандағы Төтенше және Өкілетті Елшісі;
- Хашимжанов Икрам Акрамович - ҚР-дағы өзбек этномәдени бірлестіктері қауымдастығының төрағасы.
2024 жылы 7 тамызда Өзбекстан президенті Шавкат Мирзиёев Қазақстанға мемлекеттік сапармен келді. Оны Астана әуежайында Мемлекет басшысы Қасым-Жомарт Тоқаев қарсы алды. Кейін Ақорда Қазақстан мен Өзбекстан қол қойған құжаттардың тізімін жариялады.