Димаш 11 қазандағы жазбасында Джеки Чан оның сүйікті актері екенін айтты. Сонымен қатар ол актерды жаңа кітабының шығуымен құттықтады.
Сүйікті актерымды жаңа кітабының жарық көруімен шын жүректен құттықтағым келеді. Осыдан 6 жыл бұрын дүниежүзіндегі адамдар мен туралы енді ғана біліп жатқанда мені қолдап, маған бағыт-бағдар көрсеткен алғашқы танымал тұлға болдыңыз. Сіздің "Авангард" фильміңізде басты әнді орындап, сізбен бірге жұмыс істеуге мүмкіндік алғаным менің шығармашылығымдағы ең жақсы сәттердің бірі болып қала бермек, - деп жазды Димаш Құдайберген.
Әнші ерекше сыйлық үшін алғысын жаудырды.
Сыйлығыңыз үшін және менің қытайша есімім 迪玛希 (Димаси) сіздің кітабыңыздың мұқабасында пайда болғаны үшін алғысым шексіз. Мен үшін бұл - үлкен мәртебе!Димаш Құдайберген
Димаш Құдайберген мен Джеки Чан бір-бірін 6 жылдан бері біледі. 2017 жылы олар Қытай кинофестивалінде ән орындады. Биыл сәуірде Димаш Құдайберген Джеки Чанның өзі үшін ғана емес, барша халық үшін үлгі екенін айтқан еді.