Данияда хоккейден жастар арасындағы әлем чемпионатында екінші тур ойындары басталды, деп хабарлайды Zakon.kz.
Қазақстандық хоккейшілер топтық кезеңнің екінші матчында Норвегия спортшыларымен кездесті. Бірінші кезеңде бір де бір гол соғылған жоқ. Содан кейін норвегиялық хоккейшілер ойын қарқынын үдетіп, Қазақстан құрамасының қақпасына бес гол салды.
Қазақстандықтар тек екі голмен жауап бере алды. Алдияр Нұрлан мен Дінмұхамед Қайыржан есеп айырмасын қысқартты.
15 желтоқсанда үшінші тур өтеді, Дания құрамасы қазақстан командасын қабыл алады.