1500 метрге жарысудан Қазақстан атынан Әділ Ғалиахметов пен Денис Никиша ширек финалдық бәсекеге қатысты.
Өкінішке қарай, Денис Никиша жарыс кезінде құлап қалып, ескерту алды. Ол өзімен бірге тағы бір канадалық спортшыны да жарыс жолынан шығарған еді.
Ал Әділ Ғалиахметов топта екінші орын иеленіп, жартылай финалға жолдама алды.
Еске сала кетейік, бүгін Олимпиадалық слалом турнирінде 30 шаңғышы мәреге жете алмағанын хабарлаған едік. Бірінші іріктеу кезеңінен өте алмаған шаңғышылардың тізімінде қазақстандық Александра Троицкая бар.
Айта кетейік, Қытайда Бейжің-2022 Қысқы олимпиада ойындары басталды. Биылғы олимпиада Ұйымдастыру комитетінің, Халықаралық олимпиада комитетінің және Қытай үкіметінің талабы мен ережелеріне сай қатаң түрде өтіп жатыр.
