Бұл кезеңде Қазақстан атынан үш спортшы бақ сынап, екеуі келесі айналымға өтті.
Денис Никиша мен Абзал Әжіғалиев жартылай финалға жолдама алды. Денистің уақыт көрсеткіші - жартылай финалға өткен спортшылар арасында екінші орында.
Ал Әділ Ғалиахметов 1/4 айналымда Олимпиаданы аяқтады. Ол келесі кезеңге өте алмады.
Абзал Әжіғалиев 40.643 секунд нәтижесімен үшінші орын алды. Оның ширек финалдағы нәтижесі фотофиниш көмегімен анықталды. Сондықтан жүгіруден барлық жарыстың аяқталуын күтуге тура келді. Нәтижесінде, ол үшінші орын алғандардың ішіндегі ең жылдам болып, жартылай финалға жолдама алды.
Жартылай финалда Денис Никиша бірден көшбасшылар тобынан көрінді, бірақ қашықтықтың ортасында қарсыластар бір-бірін ығыстыра бастады, нәтижесінде қазақстандық төртінші позицияға ығысты. Судьялар эпизодтарды қайта мұқият қарап, ереже бұзу фактісін таппады. Нәтижесінде 1.005 уақытымен Никиша медаль үшін күреске ілінбей қалды, ол тек жұбаныш финалына шығады.
