Соңғы күні Бейжіңдегі Олимпиада ойындарында үш қазақстандық спортшы – Надежда Степашкина, Ангелина Шурыга және Ирина Быкова өнер көрсетеді.
Шаңғышылар масс-старт жарыстарында бақ сынап, 30 шақырым қашықтықты еңсереді.
Старт хаттамасына сәйкес, қазақстандық шаңғышылар келесідей нөмірлерге ие болды: Ангелина Шурыга (50), Ирина Быкова (51) және Надежда Степашкина (58). Марафонға барлығы 65 спортшы қатысады.
2022 жылғы қысқы Олимпиада ойындарының ресми жабылу салтанаты 20 ақпанға жоспарланған, басталуы сағат 18:00-де.