Енді Александр Герлиц қола жүлдесі үшін 75 мың доллар көлемінде (38 миллион теңге) сыйақы алады.
Қысқы Паралимпиадада Қазақстан атынан алтын алғандарға 250 мың доллар, күміс жүлдегерлерге 150 мың доллар, ал қола алғандарға 75 мың доллар сыйақы белгіленген.
Айта кетейік, Бейжіңдегі қысқы Паралимпиадаға Қазақстан атынан Александр Герлиц, Сергей Усольцев, Ербол Хамитов, Денис Петренко мен Юрий Березин қатысып жатыр. Біздің спортшылар 11, 12, 13 наурыз күндері бақ сынайды. Паралимпиада 13 наурызда аяқталады.
