Нариман Құрбанов Бакудегі спорттық гимнастикадан Әлем кубогы кезеңінің чемпионы атанды, деп хабарлайды Ұлттық олимпиада комитеті.
Қазақстандық жалпылай 14.633 балл жинап, ат үстіндегі гимнастикада жетістікке жетті. ІІ-орынды Албаниядан келген спортшы Матвей Петров еншіледі, "қола" француз Томмасон Сирильге бұйырды.
Еркін жаттығуда қазақстандық Милад Карими күміс медаль жеңіп алды. Ол жалпылай 14.300 ұпай жинады. Алтын медаль Израильден келген Артем Долгопятқа (14.700) бұйырды, қола – ирландиялық Эймон Монтгомери (14. 066).
Әлем кубогының кезеңі 31 наурыз бен 3 сәуір аралығында өтті. Бұл кезеңде ерлер мен әйелдер арасындағы осы спорттың әр түрінен жеңімпаздар анықталады.